Chinmaye

दिल्लीची जामा मस्जिद


Jama masjid8

लाल किल्ल्यापासून अर्धा किलोमीटर अंतराच्या आतच सतराव्या शतकात बांधली गेलेली सुप्रसिद्ध जामा मशीद (शुक्रवारी मशीद) म्हणजे शाहजहानाबादमधील एक महत्त्वाची वारसा वास्तू. दहा लाख रुपयात बांधल्या गेलेल्या या मशिदीची काही सुंदर चित्रे पुरातत्व विभागाकडे आहेत.

jama

कांद्याच्या आकाराचे तीन घुमट आणि निमुळते होत जाणारे जवळजवळ ४० मीटर उंच असलेले दोन मिनार हे जामा मशिदीचे वैशिष्ट्य. लाहोर येथे मुघल काळात बांधल्या गेलेल्या बादशाही मशिदीशी अनेक ठिकाणी आपल्याला साधर्म्य दिसते.

Jama masjid9
Jama Masjid, Delhi
Badshahi_Mosque_33_(edited)
Badshahi Masjid, Lahore – Riaz Ahmed wikimedia commons

जामा मशिदीचा नमाज पढण्याचा भाग जवळपास १०० स्क्वेयर मीटर क्षेत्रफळाचा असून उंच कमानीच्या दरवाज्यातून आत प्रवेश करता येतो. मी प्रवेश केला बादशहासाठी राखीव पूर्व दरवाज्यातून. एकंदर ११ कमानी मशिदीच्या समोरच्या भागावर आहेत आणि मधील कमानीवर विशेष कोरीवकाम आहे.

Jama masjid6
Jama masjid5
Jama masjid3
Jama masjid2
Jama masjid1

या मशिदीचे उद्घाटन उझबेकिस्तान मधील इमाम बुखाराने केले. प्रांगणाच्या चारीबाजूला स्तंभांच्या आधारावर उभे असलेला भाग आहे आणि मधील जागेत जवळपास २५ हजार लोक एकावेळी नमाज पढू शकतात. चारही टोकांना घुमट असलेले छज्जे आहेत. २०० रुपयांचे तिकीट काढून आणि सुमारे ३२० पायऱ्या चढून मशिदीच्या छतापर्यंत जाता येते आणि तिथून घुमट, मिनार आणि जुन्या दिल्लीचा देखावा फारच अद्भुत दिसतो.

Jama masjid7
Jama masjid10
Old Delhi
Jama masjid4

या मशिदीचे जुने नाव मस्जिद-ए-जहांनुमा होते. म्हणजे जगाचे सुंदर दृश्य दाखवणारी मशीद. इथं उभं राहून दिल्लीचे सुंदर दृश्य नव्हे तर अनेक दृश्ये पाहता येतील याची खात्री मी जरूर देईन. इंटरनेटवर अनेक लोकांचं असं म्हणणं आहे की ही भारतातील सर्वात मोठी मशीद आहे.. परंतु खरं म्हणजे भोपाळची मशीद भारतातील सगळ्यात मोठी मशीद आहे.

tajul
Taj Ul Masjid – Bhopal

भोपाळच्या ताज-उल-मस्जिदची गोष्ट पुन्हा कधीतरी. हा ब्लॉग वाचत राहा आणि नक्की शेयर करा.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.

%d bloggers like this: