कुठे हरवली माझी कविता
लिहीली होती कधी स्वप्नांच्या देशात
राहत असे पापण्यांच्या घरात
का विरघळली डोळ्यातल्या थेंबात … 1

कधी क्षितिजावर दिसतात माझेच शब्द
गुणगुणलो होतो कधी चांदरात
रेन ट्रीच्या बनात
का मोकळ्या आसमंतात … 2

कुठे गेली माझी धुळीतली पावले
कधी चाललो होतो साखरझोपेत
खुणावत मला टी रोजच्या रस्त्यात
आणि गायब व्हायची गवतात … 3

कुठे गेले माझे पंख
झेप घेतली होती कधी निळ्या नभात
कधी दूर अवकाशात
कधी मनातल्या आभाळात … 4